बाँसुरी पुइगु भाजुवीर सिरपाः कासा
येँ (सन्ध्या टाइम्स)/केन्द्रीय मानन्धर संघया न्यय्न्हय्दँ बुन्हिया लसताय् संघया भाजुवीर सिरपाः उपसमितिया ग्वसालय् परम्परागत नेवाः ऋतुम्येँया लसय् बाँसुरी धेंधेंबल्लाः जुइगु जूगु दु। थुकी थीथी नेवाः जातिया सांस्कृतिक बाँसुरी खलः पुचःतय्सं ब्वति काये दइ ।
नकतिनि च्वंगु भाजुवीर सिरपाः उपसमितिया कजि व दाता लक्ष्मीदास मानन्धरया ग्वसालय् च्वंगु मुँज्यां थ्व कासा ग्वसाः ग्वयेगु क्वःछिउगु खः ।
थँहिति त्वाःया दबुली जुइगु उगु कासाय् ब्वति कायेत मानन्धर संघं थीथी त्वाःया बाँसुरी खलःतय्त इनाप याःगु दु ।
