नेपाः पार्टीया कमिटी
येँ (सन्ध्या टाइम्स)/नेपाल संवत् ११३० न्हूदँया लसताय् नेपाः राष्ट्रिय पार्टीं म्हिगः निगू थासय् वृहत् तुच्चा ज्याझ्वः यासें पार्टी कमिटी नं नीस्वन ।
पार्टीं किपुली याःगु तुच्चाया झ्वलय् भाजु कृष्णहरि महर्जनया संयोजकत्वय् पार्टीया कमिटी स्वनेगु ज्या यात। उकी वीरेन्द्र शाक्य, न्हुछे दर्शन दर्शनधारी, देव आनन्द महर्जन, डा. तुयूबहादुर महर्जन व रामभोला महर्जन दुजः कथं च्वनादीगु दु। ज्याझ्वलय् पार्टी नायः डा. केशवमान शाक्यपिंसं न्ववानादीगु खः ।
अथे हे सक्वय् नं म्हिगः छगू तुच्चा यासें सक्व कमिटी स्वनेगु ज्या जुल। बबीन श्रेष्ठया संयोजकत्वय् स्वंगु उगु कमिटीइ राजेश्वरमान श्रेष्ठ, रुपेशलाल श्रेष्ठ, नवराज श्रेष्ठ, राधाकृष्ण श्रेष्ठ, वीरेन्द्र श्रेष्ठ, रामकृष्ण श्रेष्ठ दुजः कथं च्वनादीगु दुसा प्रकाश मान सक्व व माधव श्रेष्ठ सल्लाहकार कथं च्वनादीगु दु ।
