वर्तमान अवस्थाय् बजेट पारित जुइगु सम्भावना मदु : वैद्य

एकीकृत नेकपा (माओवादी)या वरिष्ठ उपाध्यक्ष मोहन वैद्य 'किरणं' वर्तमान अवस्थाय् बजेट पारित जुइगु सम्भावना मदुगु खँ धयादीगु दु ।

जनसंचार अभियानं आइतवाः येँय् याःगु ज्याझ्वलय् न्ववानादिसें वयेकलं सहमति यायेत सरकारं इच्छा मक्यंगू द्वपं बियादिसें माओवादीं जक लचकता क्यनाच्वने मफइगु धयादिल । वयेकलं थःपिंसं ल्ह्वनाच्वंगु मुद्दाया बारे सम्बोधन मयासें संसद सुचारु जुइ मफइगु धयादिसें संसद सचारु मजूतल्ले बजेट पारित जुइगु सम्भावना मदुगु धयादिल ।

वयेकलं विदेशीतय् इशाराय् राष्ट्रपतिया शासन लागू यायेगु कुतः जुयाच्वंगु धयादिसें अज्याःगु अवस्था थःपिंसं वयेमबीगु दाबी यानादिल । वयेकलं राष्ट्रपतिया शासन लागू यानाः देय्यात फाँसीवाद पाखे घ्वानाछ्वयेगु कुतः जुयाच्वंगु धयादिल ।