अर्घाखाँचीइ बस दुर्घटना जुयाः झिंन्ह्यम्ह सित

अर्घाखाँचीया गोखुगा पाखें सन्धिखर्क पाखे वनाच्वंगु लु. १. ख. ३९८७ नम्बरया यात्रु बाहक बस हंसपुरया कमेरपानीइ दुर्घटना जुया झिंन्ह्यम्ह यात्रुत घटनास्थलय् सिगू दु । दुर्घटनाय् लानाः थप झिंप्यम्ह घाःपाः जूगु दु । घाःपाः जूपिंत जिल्ला अस्पताल सन्धिखर्कय् वासः याकातःगु दु ।

अर्घाखाँचीया सदरमुकाम पाखें स्वीगू किलोमिटक पश्चिमय् बस सतकं डेढ किलोमिटर क्वये कुतुंवनाः दुर्घटना जूगु खः । घटनास्थलय् सर्वसाधारण, प्रहरी, स्थानीयवासी लगायतया ग्वाहालिइ उद्धार ज्या यायेगु ज्या जूगु खः ।