'नीनिगु दलया निर्णय दुर्भाग्यपूर्ण'
एकीकृत नेकपा (माओवादी)या नेता लिलामणि पोखरेलं संयुक्त राष्ट्र संघया महासचिव वान की मुनया अभिव्यक्ति प्रति सत्ता गठबन्धन दलतय्सं याःगु निर्णय दुर्भाग्यपूर्ण जूगु टिप्पणी यानादीगु दु ।
शनिवाः क्रान्तिकारी पत्रकार महासंघ बाँके शाखां नेपालगञ्जय् याःगु पत्रकार सम्मेलनय् नेता पोखरेलं शान्ति प्रकृयायात तार्किक निष्कर्षय् थ्यंकेत राष्ट्रिय सहमतिया सरकार निमार्ण यायेमाःगु राष्ट्र संघया महासचिवया धापूयात मेगू हे ढंग थुइकूसाः दक्वंसिया निंतिं घातक जुइगु धयादिल ।
वयेकलं माओवादी आन्दोलन सरकार परिवर्तनया निंतिं मखसें नागरिक सर्वोच्चत स्थापनाया निंतिं जूगु दाबी यानादिसें आन्दोलन दबे यायेत स्वइपिंनि परिस्थिति झन जटिल जुइगु ख्याच्वः बियादिल । आन्दोलनयात छुं नं हालतय् हिंसात्मक जुइग मबीगु प्रतिबद्धता प्वंकादिसें वयेकलं आन्दोलनयात विश्व समुदायया समेत समर्थन दुगुलिं आन्दोलन निर्णायक जुइगु दाबी यानादिल ।
नेता पोखरेलं कतामरि सरकारं संकल्प प्रस्ताव बारे सुनुवाइ मयासाः व्यवस्थापिका संसद चलेजुइमबीगु ख्याच्वः नं बियादिल ।
