चाबहिली थौं नं प्रदर्शन
येँ (सन्ध्या टाइम्स)/ स्वयम्भू यातायातया गाडीं क्यलाः म्हिगः चाबहिली मनू स्याःगु विरोधय् थौं सीपिनि छेँजः व स्थानीय वासिन्दां यातायात ठप्प यात। उमिसं उचित क्षतिपूर्ति नापं चालकयात कारबाहीया माग याःगु दु।
स्थानीय जनताया प्रदर्शनं यानाः चाबही लागाय् यातायात ठप्प जुयाच्वंगु दु ।
म्हिगः स्वय्म्भू यातायातया गाडीं क्यलाः अन स्वम्ह मनू सीवं आक्रोशित भिडं उगु यातायातया स्वंगः गाडी च्याका बिउगु खः। स्वयम्भू यातायातं थौं थःपिनि बस चले मयाः। स्थानीय मनूतय्सं थःपिनि गाडी तोडफोड यायेफु धकाः गाडी चले मयानागु खँ स्वयम्भु यातायातं धाःगु दु ।
