लोड सेडिङ म्हो यायेत बैठक
येँ (सन्ध्या टाइम्स)/ न्ह्यानाच्वंगु लोड सेडिङ म्हो यायेगु वैकल्पिक उपाय मालेत थौं उर्जा मन्त्रालयय् उर्जा बैठक च्वनेत्यंगु दु ।
प्रधानमन्त्री माधव नेपालं समेत ब्वति काइगु उगु बैठकय् लोड सेडिङ म्हो यायेगु उपाय छु छु जुइफ धइगु बारे सहलह जुइ धाःगु दु ।
बैठकय् मत पिकायेगु बैकल्पिक उपाय, पञ्चेश्वर परियोजनायात न्ह्याकेगु व भारतं विजुली न्याना कायेगु बारे सहलह जुइ धाःगु दु ।
थ्वहे वइगु मंसीर ५ व ६ गते निन्हुयंकं नेपाः व भारतया उर्जा सचिवतय् दथुइ जुइगु वार्ताया एजेन्डा बारे नं थौंया बैठकय् सहलह जुइगु खँ धाःगु दु। उखे विद्युत प्राधिकरणं मंसिरनिसें लोड शेडिङया ई थपे यायेगु लागिं होम वर्क शुरु याःगु दु ।
