छ्वालि कलाया प्रदर्शनी
येँ (सन्ध्या टाइम्स)/ काठमाडौं गेस्ट हाउसय् कलाकार विनय राजोपाध्याय व डा. अन्जु डंगोलया छ्वालि कलाया चित्र ब्वज्या जुयाच्वंगु दु ।
रेकी योगा सोसाइटीया ग्वसालय् 'टू डी एण्ड थ्री डी टू मीन शो स्ट्र आर्ट एक्जीविसन'या नामं जुयाच्वंगु थुगु प्रदर्शनी कन्हय् शनिवाः तक न्ह्याइ ।
वंगु विहीवाः पुलांम्ह उप-प्रधानमन्त्री भरतमोहन अधिकारीं उलेज्या यानादीगु उगु प्रदर्शनीइ निम्हं कलाकारया छ्वालिं जक दयेकातःगु सछि स्वयां अप्वः नेवाः संस्कृतिं भय् बिउगु थीथी कलाया लिसें रेकी उपचार प्रविधिया मुद्रात ब्वयातःगु दु ।
