कोइराला व भट्टराई दथुइ खँल्हाबंला
नेपाली कांग्रेसया सभापति व एकीकृत नेकपा (माओवादी)या उपाध्यक्ष डा. बाबुराम भट्टराई दथुइ वर्तमान राजनीतिक गतिरोधया बारे खँल्हाबंला जूगु दु ।
शुक्रवाः कोइराला निवास महाराजगंजय् जूगु खँल्हाबंलाय् कांग्रेस सभापति कोइरालां राजनीतिक समस्या समाधान यायेत मध्यमार्गी लँपू नालाकायेत इनाप यानादीगु खः । कोइरालाया धापू उद्धृत यानादिसें डा. भट्टराईं, - 'झी मिले जुयाः शान्ति प्रकृयायात थन तक हयाःगु खः, आः नं झि मिलेजुया वनेमाः मखुसाः देय् बर्वाद जुइ' धयादिल ।
खँल्हाबंलाय् माओवादी उपाध्यक्ष डा. भट्टराईं मध्यमार्गी लँपू ज्वनाः निकाश मालेत माओवादी नं तयार जूगु धयादिल । वयेकलं राष्ट्रपतिया असंवैधानि पलाः सदनय् सहलह यायेमाःगु थःपिनिगु न्यूनतम माग जूगु खँ नं धयादिल ।
सहमति मालेत कोइराला व भट्टराई दथुइ मेगू चरणय् नं खँल्हाबंला यायेगु व उगु खँल्हाबंलाय् राजनीतिक निकाशया विकल्पया बारे सहलह यायेगु सहमति जूगु दु ।
