माओवादीं स्वयात्त गणराज्य घोषणा ज्याझ्वः लितकाल
अन्दोलनरत एनेकपा (माओवादीं) पूर्व घोषित विमानस्थल घेराउ ज्याझ्वः लितकाःगु छुं दिं लिपाः हे स्वायत्त गणराज्य घोषणा यायेगु ज्याझ्वः नं लितकाःगु दु ।
शुक्रवाः माओवादी पाखें गठित राष्ट्रिय जनआन्दोलन समितिया संयोजक डा. बाबुराम भट्टराईं छगू विज्ञप्ति पिथंनादिसें पूर्व घोषित स्वयात्त गणराज्य घोषणाया ज्याझ्वःयात सरकारं समानान्तर सरकार गठन यायेत्यंगु धकाः भ्रम ब्वलंकूगुलिं उगु ज्याझ्वः लितकायेमाःगु खँ धाःगु दु ।
कात्तिक २३ गते माओवादीं यायेत्यंगु स्वयात्त गणराज्य घोषणा ज्याझ्वः प्रतिकात्मक व प्रचारात्कम जूसां सरकारं थुकीयात शान्ति सम्झौता विपरित ज्याः यायेत्यंगु धकाः द्वपं ब्यूगुलिं जनताय् भ्रम मब्वलनेमाः धकाः ज्याझ्वः लितकायाःगु खँ विज्ञप्ति न्ह्यथंनातःगु दु । विज्ञप्ति थुगु ज्याझ्वः उपयुक्त ईलय् हानं ह्येगु खँ नं धयातःगु दु ।
अथेहे विज्ञप्तिइ कात्तिक २४ गते स्वनिगः नाकाबन्दीया ज्याझ्वः अन्तर्गत स्वनिगः दुने पिने जुइगु दक्वं सतकमार्गत अवरुद्ध यायेगु धासें उगु न्हि कुन्हु सवारी साधन चलेमयायेत नं दक्वंसित इनाप यानातःगु दु ।
