पाल्पाय् जूगु सतक दुर्घटनाय् छम्ह सित

बिहीवाः बहनी पाल्पाय् जूगु छगू सतक दुर्घटनाय् लानाः छम्ह सिगू दु । सिद्धार्थ राजमार्गया पाल्पा-बुटवल सतक खण्डय् जूगु दुर्घटनाय् पाल्पा कसेनी-५या गिरबहादुर रेश्मी सिगू खः ।

बुटवलं पाल्पा पाखे वनाच्वंगु लु. १. ख. ३५४५ नम्बरया ट्रकं पाल्पां बुटवल पाखे वनाच्वंगु साइकलयात ठक्कर ब्यूगु ईलय् उगु दुर्घटना जूगु खः । दुर्घटनाय् लानाः मेपिं निम्ह गम्भीर घाःपाः जूगु व उमित लुम्बिनी मेडिकल कलेज पाल्पाय् वासः याकात:गु खँ प्रहरीं धाःगु दु ।

प्रहरीं ट्रक चालकात नियन्त्रणय् कयाः आवश्यक कारवाही न्ह्याकाच्वंगु खँ जिल्ला प्रहरी ज्याकू पाल्पां धाःगु दु ।