पर्वतया कस्माय् स्वाइनफ्लु

पर्वतय् झिन्हू थुखे महामारीया रुपय् फैलेजूगु सेखं ज्वरों घातक ल्वय् स्वाइनफ्लु जूगु पुष्टि जूगु दु । स्वाइनफ्लुया आशंकाय् पर्वत सदरमुकाम कुस्मां यंकूगु राष्ट्रिय जनस्वास्थ्य प्रयोगशाला टेकुइ हःगु झिंनिम्हेसिया हिया नमुना मध्ये गुम्हेसिया हिइ स्वाइनफ्लु जूगु पुष्टी जूगु खः ।

कुस्माया ब्वनेकुथि सैनिक क्याम्प व स्थानीय मनूतय्त सेखनं संक्रमण अप्वयेवं जिल्ला स्वास्थ्य ज्याकू पर्वतं सैनिक क्याम्पं न्याम्ह व ब्वनेकुथिपाखें न्हय्म्ह संक्रमितया थ्रोट स्वास नमुना परीक्षणया निंतिं टेकु छ्वयाहःगु खः ।

थ्यंमथ्यं निवाः निसें ब्वलंगु प्रकोपया हुनिं उच्च सतर्कता अपनेयानाः सदरमुकामया फुक्क शिक्षण संस्था बन्द याःगु दु । ल्वगितय्त आकाझाकां ज्वरो वयेगु सेखं चाइगु व छ्यं नापं कथु स्याइगु लक्षण खनेदयावःगु दु ।