संविधानया प्रस्तावनाया बारे सहलह
संविधान सभा अन्तर्गत संवैधानिक समितिया बैठकय् संविधानया प्रस्तावनाया बारे बिहीवाः सहलह जूगु दु ।
बैठकय् एनेकपा (माओवादी)या उपाध्यक्ष डा. बाबुराम भट्टराईं झिंनिगू बुँदे सहमति, विस्तृत शान्ति सम्झोता व अन्तिम संविधानया आधारय् न्हूगु संविधानया निर्माण जुइगुलिं उकी दुने पाखें हे सहमति मालेमाःगु धयादिल ।
वयेकलं आत्मनिर्णयया अधिकार व स्वयत्तताबिना संघीयता अमूर्त जुइगु बिचाः प्वंकादिसें न्हूगु संविधानया नां 'जनाताया संघीय लोकतान्त्रिक गणतन्त्र नेपालया संविधान' च्वयेमा: धयादिल ।
अथेहे बैठकय् नेपाली कांग्रेसया उपसभापति रामचन्द्र पौडेलं स्वतन्त्रता, न्यया व ऐक्यबद्धताया मान्यतायात प्रस्तावनाय् दुथ्याकेमाःगु धयादिसें आत्मनिर्णयया अधिकार थंज्याःगु विवादास्पद शब्द संविधानय् मतयेत इनाप यानादिल । वयेकलं झिंनिगू बुँदे, विस्तृत शान्ति सम्झौताया आधारयात थुकी इमान्दारी पूर्वक दुथ्याकेमाःगु बिचाः प्वंकादिल
अर्थमन्त्री नापं एमालेपाखें सभासद् जुयादिम्ह सुरेन्द्र पाण्डें न्हूगु संविधानया नां 'गणराज्य नेपालया संविधान' उपयुक्त जुइगु धयादिल । वयेकलं संविधानय् समानताया सिद्धान्त कथं बहुलता व विविधताय प्रतिनिधित्व जुइमाः धयादिल ।
समितिया सभापति निलाम्बर आचार्यं संवैधानिक समितिया बैठकं शुक्रवाः हानं च्वनीगु धयादिल ।
