बसया ठक्करं चावहीली स्वम्ह सित

येँया चावहीलीइ बिहीवाः सनिलय् छगः बसं लँय् न्यासिवनाच्वंपिं मनूतय्त ठक्कर नकूवलय् स्वम्ह सिगू दु । स्वयम्भु यातायातया बा. २. ख. ८५० नम्बरया बसं चावहिलीया ओम नर्सिङ अस्पताल न्ह्यने ठक्कर नकूगु खः । बसया ठक्करय् लानाः पर्साया घनीराम चौधरी व नगेन्द्र चौधरी घटनास्थलय् हे सिगू खःसा खोटाङया रमा राईयात ओम नर्सिङ अस्पतालय् वासः वाकाच्वंगु ईलय् सिगू खः ।

घटना लिपाः आक्रोशित स्थानियवासीतय्सं ठक्कर नकूगु बसय् मि च्याकाः तोडफोड याःगु दुसाः सीपिनिं छेँजःयात क्षतिपूर्ति व घटनाया दोषीयात करवाहीया माग याःगु दु ।