देय्न्यंकंया सीडीओ थौं नं ठप्प
येँ (सन्ध्या टाइम्स)/नागरिक सर्वोच्चताया माग यासें म्हिगः निसें देय्न्यंकंया सीडीओ ज्याकुथी घेराउ बियाच्वंपिं माओवादीया घेराउ ज्याझ्वः थौं नं जारी जुयाच्वंगु दु। थ्वहे झ्वलय् स्वनिगःया येँ, यल व ख्वय् माओवादीया केन्द्रीय नेता सहित सभासद्तय्सं धर्ना बियाच्वंगु दु ।
माओवादी धर्नाया कारणं थौं नं येँ सीडीओ ज्याकू जःखः लाःगु बबरमहल, अनामनगर लागाय् यातायात नं प्रभावित जुयाच्वंगु दु ।
माओवादी धर्नाया कारणं देय्न्यंकंया सीडीओ कार्यालय ज्याकुथी आम जनताया ज्या ठप्प जुयाच्वंगु दु ।
