सहमतिया विकल्प मदु: प्रचण्ड
येँ (सन्ध्या टाइम्स)/ इलय् हे संविधान दयेकेत व राष्ट्रिय एकताया निंतिं सहमति व सहकार्यया विकल्प मदुगु खँ माओवादी अध्यक्ष पुष्पकमल दाहाल 'प्रचण्डं' धयादीगु दु।
थौं सुथय् लिम्बुवान राज्य समितिं इलामय् याःगु आमसभायात संवोधन यायेत उखे झाःम्ह माओवादी अध्यक्ष प्रचण्डं बिर्तामोडय् पत्रकारत लिसे खँ ल्हासें उगु खँ धयादीगु खः ।
राष्ट्रिय एकताया सरकारया विकल्प मदु धासें वय्कलं अन्तर्राष्ट्रिय शक्ति तय्सं नं राष्ट्रिय एकताया सरकारया चाहना यानाच्वंगु व थःपिं दकलय् तःधंगु पार्टी जूगुलिं थःपिनिगु हे नेतृत्वय् राष्ट्रिय सरकार दयेकेगु खँ नं कनादिल ।
वय्कलं माओवादीं न्ह्याकाच्वंगु आन्दोलन सत्ता प्राप्त यायेगु निंतिं मखुसें नागरिक सर्वोच्चता कायम यायेगु निंतिं जूगु दावी नं यानादीगु दु ।
