२२ दलया बैठक च्वनीगु
येँ (सन्ध्या टाइम्स)/ प्रधानमन्त्री माधव नेपालया आह्वानय् थौं नीनिगू दलया बैठक च्वनेत्यंगु दु ।
प्रधानमन्त्री व मन्त्रिपरिषदया ज्याकुथी च्वनीगु उगु बैठकय् माओवादीं न्ह्याकूगु आन्दोलन, शान्ति सुरक्षा, सदन अवरोध व बजेट पारित यायेगु बारे सहलह जुइगु खँ धाःगु दु ।
अथे हे स्वंगू दलया दथुइ सहमतिया निंतिं जुयाच्वंगु कुतः व वार्ताया झ्वलय् खनेदुगु कमी कमजोरीयात कयाः नं सहलह जुइ ।
अथे हे बैठकय् मधेशी जनअधिकार फोरमं न्ह्यब्वःगु ध्यानाकर्षण प्रस्तावयात कयाः नं सहलह जुइगु खँ धाःगु दु। फोरमं छुं न्हि न्ह्यः जक सरकारया सहमति कायम यायेत इनाप यासें ध्यानाकर्षण प्रस्ताव न्ह्यब्वःगु खः ।
