थनिनिसें फोहोर वाके बिल
येँ (सन्ध्या टाइम्स)/वंगु निन्हु न्ह्यवंनिसें धादिङया क्षत्रे देउराली गाविसया स्थानीय वासिन्दां फोहोर वायेगु ज्या पनातःगुलिं थनिंनिसें फोहोर वाके बिउगु दु ।
म्हिगः येँ महानगरपालिका व स्थानीय वासिन्दाया दथुइ जूगु सहमति लिपा थनिंनिसें फोहोर वाके बिउगु खः। येँमनपा व स्थानीय वासिन्दाया दथुइ स्थानीय जनतायात रोजगार बीगु, सरकारी ध्यबाया सदुपयोग यायेगु व आर्लेटार गाविसय् निवाःया दुने विद्युत थ्यंकेगु सहमति जुइवं फोहोर वाके बिउगु खः ।
स्थानीय जनतां वंगु कार्तिक ५ गते सरकार व थःपिनि दथुइ जूगु सहमति कायम जुइमाःगु माग यासें फोहोर वायेगु ज्याय् पंगः थंगु खः ।
