मोटरसाइकल दुर्घटनाय् निम्ह सित
येँ (सन्ध्या टाइम्स)/नेपालगञ्ज कोहलपुर सतक खण्डय् दिकातःगु छगः ट्रकय् मोटरसाइकल न्यानाः निम्ह सीगु दु। लँय् दिकातःगु भे. १ ख ५५९ नम्बरया ट्रकय् भे २ प ३४१९ नम्बरया मोटरसाइकल न्यायेवं मोटरसाइकलय् वम्ह प्रमेश लखेर व पिन्टु दर्जी घटनास्थलय् तुं सीगु खः ।
उगु दुर्घटनाय् लानाः मोटरसाइकलय् च्वनावंम्ह बिक्की लखेर गम्भीर घाःपाः जूगु दुसा ट्रक चालक शिषराम मौर्य नं घाःपाः जूगु दु ।
बिक्कीया लखनउलय् यंकाः वासः याकातःगु दुसा मौर्ययात भेरी अञ्चल अस्पतालय् वासः याकातःगु दु।
अथे हे येँ म्हिगः नम्बर सीमदुगु मोटरया ठक्करं छम्ह सीगु दु। कोटेश्वरं तीनकुनेपाखे लँय् न्यासी वनाच्वंम्ह लँजुवाःयात मोटर ठक्कर नकेवं लँजुवाः घटनास्थलय् तुं सीगु खँ प्रहरीं धाःगु दु ।
सिम्हेसिया आः तक नं सनाखत मजूनिसा ठक्कर नकूगु गाडी मालेगु ज्या जुयाच्वंगु खँ प्रहरीं धाःगु दु ।
