कांग्रेसय् लोकतन्त्रया शुरुवात : पौडेल
नेपाली कांग्रेसया उपसभापति रामचन्द्र पौडेलं महासमितिया बैठकं सामूहिक नेतृत्व वनेगु धकाः याःगु निर्णय पाखें पार्टी दुने लोकतन्त्रया शुरुवात जूगु दाबी यानादीगु दु ।
महासमिति दुजःतय् सम्मानय् कांग्रेसया विद्याथी संगठन नेविसंघं बिहीवाः त्रिचन्द्र क्याम्पसय् याःगु ज्याझ्वलय् न्ववानादिसें वयेकलं महासमितिया निर्णयया लसकुस यानादिसें थुकीं पार्टी दुने आन्तरिक लोकतन्त्र दुहांवःगु धयादिल ।
कांग्रेस संसदीय दलया नेता नं जुयादिम्ह पौडेलं महासमितिं पार्टी अझ संगठित जूगु धयादिसें कांग्रेसया नेतृत्व युवा पुस्ताय् वःगु नं धयादिल ।
कांग्रेसया महासमितिया बुधवाःया बैठकं शत्तिशाली सभापतीय प्रणालीया विधान संशोधन यानाः सामूहिक नेतृत्व प्रणालीलय् वनेगु निर्णय याःगु खः । थ्व व्यवस्था नापं सभापतिया अधिकार कटौती यानाः न्ह्यन्यागू प्रतिशत निर्वाचित जुइगु व नीन्याःगु प्रतिशत जक सभापितं मनोनित याये दइगु व्यवस्था लागू जूगु दु ।
