प्रहरी बलात्कार बारे छानबिन
येँ (सन्ध्या टाइम्स)/ अछाम जिल्ला प्रहरी कार्यालयय् मिसाम्ह प्रहरी जवान सुन्तली धामीयात जूगु सामुहिक बलात्कार बारे छानवीन यायेत सरकारं पुलांम्ह न्यायाधीश कृष्णप्रसाद बस्यालया संयोजकत्वय् स्वम्ह दुजः दुगु छगू समिति स्वंगु दु। थौं च्वंगु मन्त्रिपरिषदया बैठकं उगु निर्णय याःगु खः। उगु समितिं घटनायात कयाः स्थलगत छानबिन याइगु खँ धाःगु दु ।
धामीयात सामुहिक बलात्कार याःगु खँयात कयाः राष्ट्रिय मानव अधिकार आयोग व मिसा सभासद्त दुथ्याःगु छगू समितिं नं छानवीन लिपा धामीयात बलात्कार जूगु प्रतिवेदन सार्वजनिक यायेधुंकूगु दु ।
