आन्दोलन क्वत्यलेत सेना परिचालन ?

येँ (सन्ध्या टाइम्स)/ न्ह्यानाच्वंगु आन्दोलनयात अझ तःजिक सफल यायेगु निंतिं थौं सुथय् माओवादी अध्यक्ष पुष्पकमल दाहाल 'प्रचण्ड'या छेँय् माओवादीया विशेष बैठक च्वन। बैठकय् सरकारं माओवादी आन्दोलनयात क्वत्यलेत सेना परिचालन यायेत स्वयाच्वंगु ठहर नं याःगु दु। बैठकय् आः तक न्ह्यानाच्वंगु थःपिनि आन्दोलनया समिक्षा नं याःगु खः। अथे हे राजनीतिक गतिरोधया अन्त्य यायेत प्रमुख दलत लिसे वार्ता यायेगु बारे नं सहलह जूगु खँ सीदुगु दु ।