पोखराय् यातायात बन्द

येँ (सन्ध्या टाइम्स)/सरकारं क्वःछिउगु न्यूनतम तलब बीमाःगु माग यासें पोखराया यातायात व्यवसायी मजदूरतय्सं अनिश्चित कालीन यातायात बन्द याना बिउगु दु ।

यातायात मजदुरतय् आन्दोलनया कारणं पोखराय् चले जुइगु सार्वजनिक सवारी ठप्प जुयाच्वंगु दुसा पोखरां पिहां वनीगु यातायात नं बन्द जुयाच्वंगु दु। मजदुरतय्सं थःपिंसं न्हापा हे माग यानाः नं व्यवसायीतय्सं चिउताः मक्यं धासें यातायात चले मयोगु निर्णय याःगु खः ।