माओवादीं विमानस्थल बन्दया ज्याझ्वः लितकाल

नागरिक सर्वोच्चता स्थापना यायेमाःगु माग यासें आन्दोलनय् कुहांवःगु एनेकपा (माओवादीं) त्रिभुवन अन्तराष्ट्रिय विमानस्थल बन्दया ज्याझ्वः लितकाःगु दु ।

माओवादीं कुटनीतिक नियोगया प्रतिधिनितय्सं विमानस्थल बन्दया ज्याझ्वः लित कायेत याःगु इनाप कथं उगु ज्याझ्वः लितका कयाःगु खँ धाःगु दु । मंगलवाः न्हिनय् माओवादी अध्यक्ष पुष्पकमल दाहाल 'प्रचण्ड' व विदेश विभाग प्रमुख कृष्णबहादुर महरां नेपाः स्थित झिंनिगू कुटनीतिक नियोगया उच्च पदाधीकारत नाप सलहल यानादी‍गु खः ।

थ्वस्वयां न्ह्यः माओवादीं निगूगु चरणया ज्याझ्वः कथं कार्तिक २४ गते विमानस्थल बन्द यायेगु ज्याझ्वः क्वछिनातःगु खः ।