गणराज्य घोषणा प्रतिकात्मक जक : भट्टराई
एकीकृत नेकपा (माओवादी)या उपाध्यक्ष डा. बाबुराम भट्टराईं स्वायत्त गणराज्यया घोषणा प्रतिकात्मल व प्रचारात्कम जक जूगु खँ धयादीगु दु ।
मंगलवाः येँय् जनसंचार अभियानया साक्षात्कार ज्याझ्वलय् न्ववानादिसें नेता भट्टराईं माओवादीं घोषणा यायेत्यंगु गणराज्य पाखें निगू सत्ता कायम मजुइगु धयादिसें थ्व प्रतिकात्मक व प्रचारात्मक जक जुइगु स्पष्ट यानादिल ।
माओवादी पाखें गठन या:गु संयुक्त जनआन्दोलन समितिया संयोजक नं जुयादिम्ह भट्टराईं माओवादी शान्ति सम्झौता प्रति प्रतिबद्ध जूगु धयादिसें शान्ति सम्झौताया विपरित माओवादीं मयाइगु दाबी यानादिल । वयेकलं सुयां इच्छा कथं शान्ति सम्झौता भंग मजुइगु नं धयादिल ।
थ्वहे दथुइ सरकारं सोमवाः धनकुटाय् माओवादीं नगरपालिका कब्जा यानाः पदाधिकारी घोषणा याःगु घटनायात गम्भीर रुपं काःगु दुसाः उकीयात माओवादी शान्ति सम्झौता उल्लंघन याःगु निष्कर्ष पिकाःगु दु ।
