संसदयात थप बल्लाकेत राष्ट्रपतिया सुझाव
राष्ट्रपति डा. रामवरण यादवं व्यवस्थापिका संसद व संविधानसभा थप बल्लाके माःगु बिचाः प्वंकादीगु दु ।
मंगलवाः सुथय् संविधानसभाया सभाध्यक्ष सुभाषचन्द्र नेम्वाङनापया खँल्हाबंलाय् संसद व संविधानसभायात थप बल्लाकेत वयेकलं सुझाव बियादीगु खः । वयेकलं संसदयात थप स्थायित्व, मार्यादित व बल्लाकेत थः लगे जुइगु प्रतिबद्धता नं प्वंकादीगु खँ सभाध्यक्ष नेम्वाङं कनादिल । अथेहे राजनीतिक गतिरोध ज्यंकेगु व सहिमतिया थाय् संसदयात हे दयेकेमाःगु खँ राष्ट्रपति यादवं खँल्हाबंला धयादीगु खः ।
राष्ट्रपति भवन शितल निवासय् मंगलवाः सुथय् झिंछताः ईलय् जूगु खँल्हांबंलाय् सभाध्यक्ष नेम्वाङं संविधान निर्माण व संसदीय गतिविधिया बारे राष्ट्रपति यादवयात जानकारी बियादीगु खः । नापं खँल्हाबंलाय् शान्ति प्रकृया, संसदया गतिरोध व बजेट पारित यायेगु विषयलय् राष्ट्रपति यादवं च्यूता प्वंकादीगु खँ राष्ट्रपतिया प्रेस सल्लाहकार राजेन्द्र दाहालं कनादिल ।
