नगरपालिका कब्जा यानाः पदाधिकारीत चयन
आन्दोलनरत एनेकपा (माओवादीं) सोमवाः धनकुटा नगरपालिका कब्जा यानाः पदाधिकारीत नं मनोनित याःगु दु ।
सोमवाः सुथय् नगरपालिकाया ज्याकू कब्जा यानाःगु घोषणा यायेगु नापं नगरप्रमुख, उपप्रमुख लगायत वडा दुजःत समेत घोषणा याःगु दु । माओवादीं नगरपालिका प्रमुखय् गणेश विष्ट, उपप्रमुखय् कविता राई कन्दङ्बायात मनोननित याःगु दुसाः वडा नं १ निसें ९ तकया वडा अध्यक्षत छसिकथं हर्क सुब्बा, भक्त कार्की, यज्ञ भण्डारी, तीर्थिसंह राई, हरि प्रधान, लक्ष्मी पौडेल, सुरेन्द्र राई, सानुकी राई व सुमन राई मनोनित या:गु दु ।
नगरप्रमुख सहित दक्वं पदाधिकारीत घोषणा व शपथग्रहण लिपा: धनकुटा नगरपालिका ज्याकूया हलय् च्वंगु बैठकं कर्मचारीतय्त जनताया पक्षय् ज्या यायेत उमिसं निर्देशन ब्यूगु दु । माओवादीं मनोनयन याःपिं पदाधिकारीतय्सं आः धनकुटा नगरपालिकाया दक्वं ज्याखँ याइगु खँ घोषित नगरप्रमुख विष्टं धयादिल ।
ज्याझ्वलय् लिम्बुवान स्वायत्त गणरज्य अन्तर्गत जनसंविधानया धारा-४७, उपदफा-२ अन्तर्गत पदाधिकारी चयन याःगु जानकारी ब्यूगु खः ।
