'बजेट पारित मजुल धाःसा स्थिति गम्भीर'

येँ (सन्ध्या टाइम्स)/यदि सदन अवरुद्ध जुयाच्वन धाःसा देशय् गम्भीर अवस्था वयेफुगु खँ सभामुख सुवास नेम्वाङ्ग्रं धयादीगु दु। थौं सुथय् छगू ज्याझ्वःया उलेज्या यासें वय्कलं सदन अवरुद्ध जुयाः बजेट पारित मजुल धाःसा देशय् गम्भीर अवस्था ब्वलनीगु ख्याच्वः नं बियादिल। वय्कलं सदन सुचारु यायेगु खःसा राजनीतिक रुपं हे खँ ज्यंका वयेमाःगु बिचाः नं प्वंकादिल ।