खुकुरीं पालाः ल्वापु
येँ (सन्ध्या टाइम्स)/सुनसरीया बराहा क्षेत्रय् निगू पुचःया दथुइ खुकुरीं पालाः जूगु ल्वापु लिपा भागदौडया झ्वलय् निम्ह मनूत सीगु दु ।
उगु भागदौडया झ्वलय् नेपाःया देवनारायण यादव व भारतीय नागरिक लक्ष्मण साह सीगु खः। उकी लानाः आपालं मनूत घाःपाः जूगु खँ धाःगु दु। प्रहरीं आः स्थितियात नियन्त्रणय् कायेधुंकूगु दुसा अनया सुरक्षा व्यवस्था नं कडा याःगु दु ।
अथे हे बराहा क्षेत्रय् द्यः पुजा यायेत च्वनाच्वंम्ह छम्ह नं लाइनय् च्वंच्वँ सीगु दु। लाइनय् च्वनाच्वंम्ह मोटर यादव क्वःदलेवं अनं तुं सीगु खः। बराहा क्षेत्रय् न्यान्हुयंकं न्ह्यानाच्वंगु मेलाया थौं लिपांगु न्हि खः ।
