कोइराला व प्रचण्ड दथुइ खँल्हाबंला

नेपाली कांग्रेसया सभापति गिरिजाप्रसाद कोइराला व एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड' दथुइ सोमवाः खँल्हाबंला जूगु दु ।

सोमवाः न्हिनय् कोइराला निवास महाराजगञ्जय् जूगु खँल्हाबंलाय् राजीतिक गतिरोध ज्यंकेगु व माओवादी आन्दोलनया बारे सहलह जूगु खः । खँल्हाबंलाय् कोइरालां स्वंगू प्रमुख दलया शीर्ष नेता च्वनाः सहलह यायेमाःगु व राजनीतिक संयन्त्र गठन जुइत लिबागु खँ च्यूताः प्वंकादीगु खः ।

कोइरालां कांग्रेस महासमितिया बैठकया उल्लेज्या यानादिसें सहमतिया निंतिं थःम्हं माओवादी अध्यक्ष नाप सहलह यायेगु खँ धयादीगु कन्हय् कुन्हु हे जूगु थुगु खँल्हाबंलाय् कोइरालां माओवादीयात आन्दोलन दिका वार्ताया माध्यमं समस्या सामाधान यायेत व बजेट पारित यायेत संसद च्याकेत नं इनाप यानादीगु ख: ।