महासमितिया बैठकय् विधान संशोधन मस्यौदा पेश
निन्हु न्ह्यः निसें न्ह्यानाच्वंगु नेपाली कांग्रेस महासमितिया बैठकय् केन्द्रीय दुजः कृष्णप्रसाद सिटौलां सोमवाः विधान संशोधया मस्यौदा पेश यानादीगु दु ।
महासमितिया बैठकया बैठक बारे सहलह यायेत ग्वसाःग्वःगु केन्द्रीय समितिया बैठकय् विधान मस्यौदाय् सहमति मजुइवं नेता सिटौलां केन्द्रीय कार्य समितिलय् वःगु सुझाव व फरक बिचाःत दुथ्याकाः सोमवाः महासमितिया बैठकय् मस्यौदा पेश यानादीगु खः ।
केन्द्रीय समितिया बैठकय् विधान मस्यौदाय् कार्यवहाक सभापति सुशील कोइराला लगायत नेतातय्सं सभापतिया हे बाल्लाकेमाःगु वर्तमान व्यवस्थाया पक्षय् बिचाः प्वंकेवं थुकीया बारे केन्द्रीय समितिया बैठकय् सहमति जुइमफुगु खः ।
येँया प्रज्ञा प्रतिष्ठनय् जुयाच्वंगु महासमितिया बैठकं विधान मस्यौदा बारे सहलह लिपाः वर्तमान व्यवस्था हे कायम यायेगु वा विधान संशोधन यायेगु निर्णय याइगु जूगु दु ।
