माओवादी पाखें देय्न्यंक मशाल जुलुस प्रदर्शन
प्रमुख प्रतिपक्षी दल एनेकपा (माओवादीं) निगुगू चरणया आन्दोलन कथं आइतवाः सनिलय् देय्न्यं मासाल जुलुस पिकाया आन्दोलन न्ह्याकूगु दु ।
नागरिक सर्वोच्चताया माग यासें माओवादीं देय्न्यं खुता ईलय् मसाल जुलुस पिकाःगु खः । येँया पुलांगु बसपार्कं मजदुरपाखें, दरवारमार्गं विद्यार्थी, महाबौद्धं गणतान्त्रि मञ्च व बुद्धिजीवीतय्सं मशास जुलुस पिकाःगु खः ।
पुलांगु बसपार्क पाखें न्ह्याःगु मशास जुलुसया नेतृत्व माओवादी अध्यक्ष पुष्पकमल दाहाल 'प्रचण्डं' यानादीगु खसाः यलया जुलुलय् केन्द्रीय दुजः पम्फा भुसाल व ख्वपय् शक्ति बहादुर भुषालं नेतृत्व यानादीगु खः । मशाल जुलुसय् वरिष्ठ उपाध्यक्ष मोहन वैद्य 'किरण', उपाध्यक्ष नारायणकाजी श्रेष्ठ 'प्रकाश', महासचिव रामबहादुर थापा 'बादल', नेवाः राज्य समितिया इन्चार्व हितमान शाक्य लगायत आपालं केन्द्रीय दुजःत व माओवादी सभासद्तय् ब्वति दुगु खः ।
स्वनिगः नापं माओवादीं देय्न्यंया न्ह्यन्यागूलिं जिल्लाय् मशाल जुलुस पिकाःगु खः । माओवादीं आन्दोलन शान्तिपूर्ण जुइगु धासां आन्दोलनयात मध्य नजर यानाः सरकारं थाय्थासय् व्यापक रुपं सुरक्षाकर्मीत परिचालन यानातःगु खः ।
