माओवादी मवयेवं विशेष समितिया बैठक स्थगित

एकीकृत नेकपा (माओवादी)या दुजःत अनुपस्थित जुइवं लडाकुया रेखदेख समायोजन व पुनस्थापना विशेष समितिया बैठक स्थगित जूगु दु ।

आइतवाः न्हिनय् स्वताः ईलय् सिंहदरवारय् च्वंगु प्रधानमन्त्रीया ज्याकूथी सःतुगु विषेश समितिया बैठकय् माओवादी पाखें समितिलय् दुजः जुयादिपिं वर्षमान पुन 'अनन्त' व चन्द्रप्रकाश खनाल 'बलदेव' अन मथ्यनेवं पूर्व निर्धारित बैठक स्थगित जूगु खः । माओवादीया दुजःत बाहेक प्रधानमन्त्री सहति मेपिं दुजःत निर्धारित ईलय् हे बैठकस्थल थ्यंकूगु खः ।

थ्वस्वयांन्ह्यः च्वंगु बैठकं हरेक आइतवाः बैठक च्वनेगु निर्णय याःगु खः । आइतवाः निसें देयन्यंक यायेत्यंगु आन्दोलनया तयारीलय् व्यस्थ जुयाच्वंगुलिं माओवादी नेतात बैठकय् अनुपस्थित जूगु खँ धाःगु दु ।