राष्ट्रिय सहमतिया बाधक कांग्रेस व एमाले : प्रचण्ड
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' सत्तारुढ दलत नेपाली कांग्रेस व नेकपा (एमाले) लगायत दलतय् कारणं हे राष्ट्रिय सहमतिया सरकार निर्माण जुइमफुगु द्वपं बियादीगु दु ।
आइतवाः पार्टी निर्वाचन क्षेत्र नं १० पाखें येँय् ग्वसाःग्वःगु तुच्चाः ज्याझ्वलय् वयेकलं राष्ट्रिय सहमतिया सरकारया निंतिं कांग्रेस व एमाले विपक्षय् च्वंगु द्वपं बियादिसें बूपिनि बहुमता आडय् उमिसं शान्ति व संविधान प्रति गैर जिम्मेवार जूगु टिप्पणी यानादिल । वयेकल माओवादी संविधान निर्माण व शान्ति प्रकृया प्रति जिम्मावर जुयाः प्रस्तुत जुयाच्वंगु नं धयादिल ।
संयुक्त राष्ट्र संघया महासचिव बान की मुनं नकतिनि न्यूयोर्कय् न्ह्यब्वयादीगु नेपाः सम्बन्धी प्रतिवेदनय् नं नेपालय् राष्ट्रिय सहमतिया सरकार आवश्यक धकाः न्ह्यथंनातःगु खँ पाय्छी जूगु धयादिसें आः राष्ट्रिय सहमतिय सरकराया विकल्प मदुगु धयादिल ।
आइतावः निसें न्ह्याइगु माओवादीया निक्वःगु आन्दोलन शान्तिपूर्ण जुइगु धयादिसें माओवादी अध्यक्ष प्रचण्डं उकीयात सरकारं दमन यासाः उकीया परिणाम सरकारं हे भागे यायेमाःगु ख्याच्वः नं बियादिल ।
