थँबहिली सवारी निषेध

येँ (सन्ध्या टाइम्स)/थँबहिली थनिंनिसें यातायात प्रवेश बन्द याःगु दु। काठमाडौं गेष्ट हाउसंनिसें नर्सिङ्ग गेट तक थ्व प्रतिबन्ध तःगु खँ गृह मन्त्रालयं धाःगु दु। मन्त्रालयं धाः कथं थँबही पर्यटकीय लागा जूगुलिं पर्यटकतय्त मछिंगु अवस्था वल धकाः स्थानीय जनता व व्यवसायीं माग याःगुलिं थ्व प्रतिबन्ध तःगु खः। थ्व प्रतिबन्ध छुं ई परीक्षण कथं जक तःगु खःसां यदि थ्व सफल जुल धाःसा थुकियात निरन्तरता बीगु खँ धाःगु दु ।