उदाय समाजय् डा. रुपज्योति
येँ (सन्ध्या टाइम्स)/उदाय् समाजया प्यक्वःगु तःमुँज्या नांजाम्ह उद्योगपति डा. रुपज्योति कसाःया नेतृत्वय् न्हूगु ज्यासना पुचः ल्यःगु दु। वंगु शनिवाः थनया पकनाज्वलय् च्वंगु देगुख्यः गुथिया भवनय् जूगु उगु मुँज्यां झिम्ह न्हूपिं दुजःत नं ल्यःगु दु। दुजलय् डा. प्रेमरत्न स्थापित, ई. रत्नकाजी तुलाधर, अमृतमान ताम्राकार, सर्वज्ञरत्न तुलाधर, आयुरत्न सिख्राकार, सुरेन्द्रकाजी सिन्दुराकार, धर्मरत्न कसाः उत्तमराज शिलाकार, रमेश तुलाधर, अमीररत्न ताम्रकार, सुवर्णकाजी सेलालिक, अमृतमानसिंह बनियापिं च्वनादीगु दु ।
नेपालभाषा मंकाः खलःया नायः पद्मरत्न तुलाधर मूपाहां कथं झाःगु उगु ज्याझ्वः समाजया पुलांम्ह नायः पञ्चवीरसिंह तुलाधरया सभापतित्वय् जूगु खः ।
