महान् कथिनोत्सव क्वचाल
येँ (सन्ध्या टाइम्स)/ त्रिपिटकाचार्य व आनन्दकुटी विहारया प्रमुख श्रद्धेय भिक्षु कुमार काश्यप महास्थविर वर्षावास च्वनाबिज्याःगु पूवंगु लसताय् म्हिगः थनया आनन्दकुटी विहारय् छगू महान् कथिनोत्सव ज्याझ्वः जुल।
उगु कथिनोत्सवया दाता जमःया मय्जु धर्महिरा ताम्राकार व वय्कःया छेँजःपिं खः ।
उगु इलय् दातापिनि छेँजःपाखें भिक्षुगण, अनागारिकापिंत दान प्रदान नापं द्वःछिम्हेसित भोजन नं याकूगु खः ।
