माओवादीयात सहमतिलय् वयेत कोइरालाया इनाप
नेपाली कांग्रेसया सभापति गिरिजाप्रसाद कोइरालां माओवादीयात सहमतिलय् वयेत इनाप यानादीगु दु । थौं नं निसें आन्दोलन शुरु यायेत्यंगु माओवादीयात वयेकलं सहमतिलय् ह्येत थःम्ह कुतः यानाच्वनीगु धयादिल ।
कांग्रेस महासमितिया बैठकया आइतवाः येँया कमलादी च्वंगु प्रज्ञा प्रतिष्ठनय् उल्लेज्या यानादिसें वयेकलं माओवादी अध्यक्ष पुष्पकमल दाहाल 'प्रचण्ड' नाप खँल्हाबंला जुयाच्वंगु व हानं वयेक नाप खँल्हायेगु धयादिसें सहमति, सहकार्य व राष्ट्रया अवश्यकता कथं आन्दोलन दिकाः सहिमतिलय् वयेकत इनाप यानदिल
वयेकलं कांग्रेसया विधान संशोधन मयासें वर्तमान संरचना कथं हे पार्टीयात न्ह्यनेयंकेत महासमितिया दुजःतय्त इनाप यानादिल । वयेकलं पार्टीं सभापतीय पद्धति त्वतेमज्यूगु बिचाः प्वंकादीगु खः ।
कांग्रेस केन्द्रीय समितिलय् मस्यौदा विधान बारे तच्वेक विवाद जुइवं थुकी स्वंगू विकल्प सहित आइतवाः न्ह्याइगु बन्द सत्रय् पेश याइगु ज्याझ्वः दु । प्रस्तावित स्वंगू विकल्प कथं सभापितं पदाधिकारी सहित न्यय्गु प्रतिशत केन्द्रीय दुजःत मनोनीत यायेगु, दक्वं पदाधिकारी व च्य्येगू प्रतिशत केन्द्रीय दुजःत निर्वाचित यायेगु व च्य्येगू प्रतिशत दुजः निर्वाचित यायेगु तर पदाधिकारी निर्वाचित केन्द्रीय दुजःतय्सं ल्ययेगु दु ।
सभापति कोइराला नापं कार्यवहाक सभापति सुशिल कोइराला वर्तमान सभापतीय प्रणली कथं हे न्ह्या वनेमाःगु पक्ष दुसाः संसदीय दलया नेता रामचन्द्र पौडेल, नेतात प्रकाशमान सिंह, विमलेन्द्र निधि, रामशरण महत, अर्जुननरिसंह केसी, नरहरी आचार्य लगायत दुजःत न्हूगु मस्यौदा विधानया पक्ष दु ।
