कांग्रेस विधान महसमितिया बैठकं क्वछीगु
नेपाली कांग्रेस केन्द्रीय समितिलय् प्रस्तावित पार्टीया न्हूगु विधानय् दुथ्या:गु केन्द्रीय दुजः मनोनयन यायेगु विषयलय् सहमति जुइमफेवं उकीयात महासमितिया बैठकय् यंकीगु जूगु दु ।
विधान अनुमोदनया निंतिं स्वन्हु न्ह्यः निसें जारी केन्द्रीय समितिया बैठकय् प्रस्तावित विधानय् सभापतियात सेरेमोनियल भूमिका जक बीगू प्रति कार्यवाहक सभापति सुशिल कोइराला लगायत दुजःतय्सं असहमति प्वंकेवं विधान अनुमोदन जुइमपुगु खः ।
प्रस्तावित विधानया मस्यौदाय् च्यय्न्ह्यम्हेसिया केन्द्रीय कार्यसमिति जुइगु व पदाधिकारी सहित न्ह्यछम्ह निर्वाचन पाखें वइगु व्यवस्था यानातःगु दु । झिंखुम्ह केन्द्रीय दुजः मनोनितया निंतिं सभापतियात केन्द्रीय समितिलय् प्रस्ताव याये दइगु जक अधिकार दुथ्याकात:गु दु ।
वर्तमान विधान कथं न्यय्गू प्रतिशत निर्वाचन व ल्यंदुपिं न्यय्गू प्रतिशत पदाधिकारीत सभापतिं मनोनयन यायेदइगु प्रावधान दु । कार्यवाहक सभापति कोइरालां वर्तमान व्यवस्था कायम हे जुइमाःगु अडान कयादीगु खः । वयेकया हे अडानया कारणं शनिवाःया केन्द्रीय समितिया बैठकं थुकीया बारे महासमितिया बैठकं निर्णय यायेगु क्वछीउगु खः ।
