छवाः दुने संसदं बजेट पारित जुइ : अर्थमन्त्री
अर्थमन्त्री सुरेन्द्र पाण्डें छवाः दुने संसद पाखें बजेट पारित जुइगु दाबी यानादीगु दु ।
शुक्रवाः झापाया भद्रपुर विमानस्थलय् संचारकर्मीत नाप खँल्हाबंला यानादिसें मन्त्री पाण्डें बजेट संसदीय प्रकृयाय् प्रवेश यायेधुंकूगुलिं अनं लिहांमवइगु धयादिल । वयेकलं माओवादीया माग बजेट नाप स्वापू मदुगु धयादिसें थुकीया बारे सहमति जुयाः छवाः दुने हे पारित जुइगु दाबी यानादिल ।
वयेकलं बजेट पारित जुइधुंकाः माओवादीया मेमेगू राजनीतिक मुद्दाय् नं सहमति जुइगु धयादिल । वयेकलं दलतय्सं निर्धारित ईलय् संविधान जारी यायेमागुलिं सहमतिया विकल्प मदुगु धयादिल ।
सामान्य प्रशासन राज्यमन्त्री जितु गौतम व एमाले नेता केपी शर्मा ओली नापं खुशीबालं प्रभावित क्षेत्र निरिक्षण यायेत झापा झायादिम्ह मन्त्री पाण्डे अन थ्यंने न्ह्यः माओवादी कार्यकर्तातय्सं प्रदर्शन याःगु खः । मन्त्री पाण्डेया पुचः माओवादी कार्यकर्तातय्त झुक्के यानाः मेगू हे लँपू पाखें खुशीबालं प्रभावित क्षेत्रया निरिक्षण यानादीगु खः ।
