एमालेया छगू तुच्चा थौं
येँ (सन्ध्या टाइम्स)/न्हूदँ ११३० या लसताय् एमालेया निगू येँ जिल्ला कमिटीपाखें यायेत्यंगु विवादास्पद तुच्चा पनेत उपत्यका विशेष समन्वय कमिटीपाखें यायेत्यंगु तुच्चा ज्याझ्वः थौं बसन्तपुली न्ह्यानाच्वंगु दु। थौंया ज्याझ्वलय् पार्टी अध्यक्ष झलनाथ खनाल मूपाहां कथं झाइ।
उखे केन्द्रीय कमिटीं याये मते धाःसां नं खड्ग ओली पक्षया येँ जिल्ला कमिटीं धाःसा कन्हय् तुच्चा यानां तुं त्वःतीगु जूगु दु। उगु कमिटीयात म्हिगः तक नं केन्द्रं छपु पौ बियाः तुच्चा याये मते धाःगु खः। कन्हय् बसन्तपुली जुइगु उगु तुच्चाय् प्रधानमन्त्री माधव नेपालयात नं मूपाहां कथं सःतातःगु दुसां वय्कः धाःसा अन मझाइगु खँ सूत्रं धाःगु दु। ओलीं धाःसा ज्याझ्वलय् वयाः संवोधन नं यानादी ।
