सत्तारुढ दलया बैठक
येँ (सन्ध्या टाइम्स)/राजनीतिक सहमति मालेगु निंतिं थौं सरकारय् दुथ्याःगु पार्टीतय् बैठक च्वनेत्यंगु दु। प्रधानमन्त्री व मन्त्रिपरिषद्या ज्याकू सिंहदरवारय् २ बजे च्वनीगु उगु बैठकय् सरकार व माओवादी दथुइ जूगु बैठकया समिक्षा याइगु खँ धाःगु दु। बैठकय् माओवादीया आन्दोलन बारे सरकारय् दुथ्याःगु दलतय् छगू हे धारणा दयेकेगु बारे नं सहलह जुइगु खँ धाःगु दु ।
अथे हे बैठकय् माओवादीं न्ह्याकेत्यंगु आन्दोलन, अवरुद्ध जुयाच्वंगु सदनयात सुचारु यायेगु बारे नं सहलह जुइ। बैठक प्रधानमन्त्री नेपालं सःतादीगु खः ।
