'आन्दोलनयात दबेयायेगु तागत सुयाकें मदु'
एकीकृत नेकपा (माओवादी)या अध्यक्ष पुष्पकमल दाहाल 'प्रचण्डं' आइतवाः निसें माओवादीं यायेत्यंगु निक्वःगु आन्दोलन दबेयायेगु तागत सुयाकें मदुगु दाबी यानादीगु दु ।
शुक्रवाः माओवादीया कोटेश्वरय् च्वंगु पार्टी ज्याकूथीइ नेवाः राज्य समिति व तामसालिङ राज्य समितिया कार्यकर्तातय्त प्रशिक्षण बिधूंकाः संचारकर्मीत नाप खँल्हाबंला यानादिसें वयेकलं थंज्याःगु खँ धयादीगु खः । वयेकलं थुगु आन्दोलन शान्तिपूर्ण जुइगु खँ नं धयादिल ।
प्रशिक्षण ज्याझ्वलय् अध्यक्ष प्रचण्डं आन्दोलन राजधानी केन्द्रीत जुइगुलिं थुकी नेवाः राज्य समिति व तामसालिङ राज्य समितिया भूमिका महत्वपूर्ण जुइगु धयादिसें थुगु समिति अन्तर्गतया कार्यकर्तातय्त विशेष भूमिका म्हितेत निर्देशन बियादिल ।
माओवादीं थ:गु माग पूवंकेत सरकारयात ब्यूगु अल्टिमेटक थ्वहे आइतवाः फुइत्यंगु दुसाः वहे न्हिया सनिलय् निसें माओवादीं आन्दोलन यायेत्यंगु दु ।
