कान्तिपुर विरुद्ध तीनकुनेय् धर्ना
म्हिगःनिसें कान्तिपुर यातायातया चालक परिचालक जानाः मध्य उपत्यका यातायात व्यवसायी संघया मजदूरयात दाःगु विरोधय् शुरु जूगु गाडी प्रदर्शन थौं नं जारी दनि । उमिसं अन कान्तिपुर यातायातया गाडी वल कि अनं तुं लित छ्वयेगु यानाच्वंगु दु । तीनकुनेय् मध्य उपत्यका बस व्यवसायी संघं थःपिनि फुक्कं गाडीत बेथां दिकाः प्रदर्शन यानाच्वंगु खः ।
कान्तिपुर यातायातं धाःसा म्हिगःनिसें हे उगु रुटय् चले यायेगु बन्द यायेधुंकूगु दु । चालकयात दाःगु विरुद्ध न्ह्यानाच्वंगु थुगु आन्दोलनं मेमेगु गाडीयात धाःसा मपं ।
कान्तिपुर यातायातया गाडीयात जक पनेगु कथं आन्दोलन यानाच्वंगुलिं अन प्रहरी व प्रदर्शनकारीतय् दथुइ अप्पां कयेकाः छझाः ल्वापु नं जूगु दु । थुकिं यानाः अनयातायात अवरुद्ध जुयाच्वंगु दु । अन थौं न्हिछिं तनाव कायम जुइफुगु अनुमान प्रहरीं याःगु दु ।
