माओवादी नेतातय्त कार्यक्षेत्रय् वनेत निर्देशन

एकीकृत नेकपा (माओवादीं) थःगु दक्वं केन्द्रीय नेतातय्त कार्यक्षेत्रय् वनाः आन्दोलन प्रभावकारी दयेकेत निर्देशन ब्यूगु दु ।

बिहीवाः च्वंगु केन्द्रीय पदाधिकारीतय् बैठक लिपाः उगु निर्देशन जारी याःगु खः । बैठकय् माओवादीं आइतवाः निसें यायेत्यंगु निक्वःगु चरणया आन्दोलनयात गुकथं प्रभावकारी दयेकीगु बारे सहलह जूगु खः । बैठकय् केन्द्रीय नेतात व सभासद्त नं थःथःगु कार्यक्षेत्रय् वनाः आन्दोलनया अगुवाइ यायेगु निर्णय जूगु खः ।

अथेहे बैठकं आन्दोलनयात शान्तिपूर्ण व प्रभावकारी दयेकेगु निष्कर्ष पिकाःगु दु । नापं बैठकय् आन्दोलनया झ्वलय् सरकार पाखे जुइफुगु दमनया बारे नं सहलह जूगु खँ धाःगु दु ।