मत मवयाः साना उद्योगयात मार
लोडशेडिङ्गया मारं साना उद्योग व्यवसायीयात वःगु खतरायात कयाः सम्बन्धित व्यवसायीतय्सं प्रधानमन्त्री पुष्पकमल दाहाल 'प्रचण्ड' व जलस्रोत मन्त्री विष्णु पौडेलयात ज्ञापनपत्र बीत्यंगु दु । साना उद्योग व्यवसायी संघया छगू डेलिगेशनं थौं प्रधानमन्त्री व जलश्रोत मन्त्रीयात उगु ज्ञापनपत्र बीत्यंगु खः ।
विद्युत कटौतीं यानाः चीधंगु उद्योगत मारय् लानाच्वंगु धासें उमिसं ज्ञापनपत्र बीत्यंगु खः । ज्ञापनपत्रय् हालया लोडशेडिङ्गपाखें तत्काल मुक्तिया निंतिं डिजेल प्लान्ट याकनं दयेके माःगु कोशीया खुसिबालं क्षतिग्रस्त जूगु टावर याकनं मर्मत यायेमाःगु व विद्युतया वैकल्पित व्यवस्थात यायेमाःगु खँ न्ह्यथनातःगु दु ।
लोडशेडिङ्गया कारणं देय्या गि्रल व्यवसाय ह्याचरी व्यवसाय व मुद्रण व्यवसाययात दकलय् तःधंगु मार लाःगु खँ न्ह्यथंसें थ्व स्वंगू व्यवसाय याईपंसं थौं मंकाः रुपं सरकारया ध्यानाकर्षण यायेत्यंगु खः ।
थ्वहे झ्वलय् नेपाली कांग्रेसया सभासद्तय्सं डिजेल प्लान्ट दयेके मते धकाः थौं बहनी जलस्रोत मन्त्रीयात ज्ञापनपत्र बीत्यंगु दु । कांग्रेसया सभासद्तय्सं डिजेल प्लान्ट थिकेगु जूगुलिं उपभोक्तातय्त थप मार लाइ धासें डिजेल प्लान्टया विकल्प मालेत नं जलस्रोत मन्त्रीयात इनाप यायेत्यंगु दु ।
