शिक्षकं हे स्कुल मिया बीवं
येँ (सन्ध्या टाइम्स)/ सिन्धुपाल्चोकया तौथली गाविसय् च्वंगु नाट्यश्वर प्राथमिक विद्यालयया छेँ छम्ह शिक्षकं विद्यालय व्यवस्थापन समिति व अविभावकतय्त के मन्यँसे मिया बिउगु घटना सार्वजनिक जूगु दु ।
२०५३ सालय् स्थानीय जनताया ग्वाहालिं सञ्चालनय् वःगु उगु स्कुलया शिक्षक नरेश श्रेष्ठं अथे विद्यालय च्वनाच्वंगु छेँ मिया बिउगु खः। स्कुल अनं चीकाः लामाचौरय् ल्ह्ययेगु धकाः उम्ह शिक्षकं स्कुलया भवन व जग्गा मिया बिउगु खः।
सिन्धुपाल्चोक क्षेत्र नम्बर १ या सभासद् राजकुमार श्रेष्ठं थुकिया बारे चिउताः प्वंकेवं थ्व सम्बन्धी खँ सार्वजनिक जूगु खः ।
