प्राचार्ययात ज्वःगु ल्वाभलं पालाबिल
येँ (सन्ध्या टाइम्स)/दोलखाया निलकण्ठ माविया प्राचार्य भोजराज शाहयात अज्ञात मनूतय्सं ज्वःगु ल्वाभलं पालाः घाःपाः याना बिउगु दु ।
मोहनि स्वन्तिया निंतिं थःगु छेँय् वनाच्वंम्ह शाहयात म्हिगः थःगु छेँनं लिहां वयाः डेराय् द्यनाच्वंगु इलय् नकाव पुनाः वःपिं निम्हेस्यां लाथेपाथे ज्वःगु ल्वाभलं पालाः घाःपाः याना बिउगु खः ।
प्राचार्य शाहया छ्यंया लिसें म्हय् नं घाः लाःगु खँ धाःगु दु। वयात आः स्थानीय अस्पतालय् वासः याकातःगु दुसा छु कारणं आक्रमण याःगु खः धइगु खँ सीके मफुनिगु खँ धाःगु दु ।
स्थानीय प्रहरी आक्रमण याःपिंत मालेगु ज्या न्ह्यानाच्वंगु खँ धाःगु दु ।
