कोरम मगायेवं संवैधानिक समितिया बैठक स्थगित

कोरम मगायेवं बिहीवाः संवैधानिक समितिया बैठक च्वनेमफुत । सुथय् च्याताः ईलय् सःतुगु बैठकय् बाघौ तक पिया नं कोरमया निंतिं आवश्यक सभासद्त उपस्थित मजुइवं बैठक स्थगित याःगु खः । खुइस्वम्ह दुजः दुगु उगु समितिया बिहीवाःया बैठकय् झिंन्याम्ह सभासद्त जक बैठकय् उपस्थित जूगु खः ।

बिहीवाःया बैठकय् न्हूगु संविधानया नां बारे सहलह यायेगु ज्याझ्वः दुगु खः । बिहीवाः बैठक च्वनेमफेवं थुगु समितिया बैठक शुक्रवाः च्वनीगु जूगु दु ।

सभासद्त न्हूगु संविधान निर्माण यायेगु ज्याय् उदासिन जूगु द्वपं लानाच्वंगु ईलय् बिहीवाः च्वनीगु धाःगु संवैधानिक समितिया बैठकय् जम्मा झिंन्याम्ह सभासद्त जक उपस्थित जूगु खः ।