राष्ट्रपति व प्रधानमन्त्री दथुइ खँल्हाबंला

प्रधानमन्त्री माधवकुमार नेपालं बुधवाः राष्ट्रपति डा. रामवरण यादवयात नापलानादीगु दु । प्रधानमन्त्री नेपाल बुधवाः न्हिनय् राष्ट्रपति भवन शितल निवास थ्यंका राष्ट्रपति यादव नाप खँल्हाबंला यानादीगु खः ।

राष्ट्रपति यादव व प्रधानमन्त्री नेपाल दथुइ खँल्हाबंलाय् लिप्पांगु राजनीतिक घटनाक्रम बारे सहलह जूगु दु । प्रधानमन्त्री नेपालं राष्ट्रपति यादवयात माओवादीं यायेत्यंगु निक्वःगु आन्दोलनया बारे कांग्रेस व एमाले दथुइ जूगु निर्णय बारे जानकारी याकादीगु खँ सिदुगु दु ।

राष्ट्रपतिया प्रेस सल्लाहकार धा:सा राजेन्द्र दाहालं राष्ट्रप्रमुख व सरकार प्रमुख दथुइया थ्व नियमित ब्रिफिङ जूगु कनादिल ।